गोवा 

पेडणे पोलिसांनी दुकान चोराला केरळ मधून पकडले

पेडणे ​( प्रतिनिधी)​ :
मांद्रे येथील एका  चोरी प्रकरणी पेडणे पोलिसांनी केरळ मधून एका चोरट्याच्या मुसक्या बांधण्याची घटना घडली आहे, चोरट्याला अटक करण्यात आली. पोलीस निरीक्षक जिवबा दळवी यांनी दिलेल्या माहितीनुसार मांद्रे येथील एका दुकानात १७ मे रोजी मोबाईल दुकानात चोरी करून मोबाईल व इतर सामानाची चोरी केल्याची ताकार मिळाली होती .

तक्रार मिळताच पेडणे पोलिसांनी संशईत भारतीय दंड संहिता कलम, ३८०,४५४ व ४५७ नुसार  व्यक्तीविरोधात गुन्हा नोंदवला होता. पेडणे पोलीस स्टेशनचे पी जिवाबा दळवी यांनी माहिती दिली की, चोरी झालेल्या सर्व मोबाईलच्या सर्व आयमी नंबरवर पाळत ठेवली गेली होती आणि असाच एक मोबाइल केरळमध्ये क्रियाकलाप दाखवत होता. त्यानुसार पीएसआय प्रफुल्ल गिरी, पीसी सागर खोर्जुवेकर आणि पीसी रोहन वेळगेकर यांची एक टीम तयार करून    केरळला पाठवण्यात आली होती .

एक संशयित  जिन्सन जोसेफ, वय 22 वर्ष, n/o नेदुमकंदम इडुक्की केरळला अटक करण्यात आली आणि त्याच्या अटकेदरम्यान चोरीची मालमत्ता जप्त करण्यात आली ज्यात 4 मोबाईल फोन, 5 पॉवर बँक, 7 मेमरी कार्ड, 8 मोबाईल चार्जर आणि कॉर्ड आणि पेनड्राईव्ह यांचा समावेश आहे. सर्व किमती सामानाची किंमत  80,000 रुपये होतात.

संशयिताला  केरळमधून ट्रान्झिट रिमांडवर पेडणे  येथे आणण्यात आले. संशयिताला  पेडणे न्यायालयासमोर  हजर करण्यात आले आणि त्याला 5 दिवसांची पोलीस कोठडी सुनावण्यात आली.  पोलिसांनी केलेल्या तपासानुसार वरील आरोपींनी अधिक गुन्हे केले असण्याची शक्यता आहे.

एसडीपीओ मापुसा आणि एसपी नॉर्थ शोबिट सक्सेना आयपीएस यांच्या देखरेखीखाली जिवबा दळवी पीआय पेडणे   यांच्या मार्गदर्शनाखाली या संदर्भात तपास सुरू आहे.

Share

Related Articles

Leave a Reply

Back to top button
error: Kindly Dont Copy !!
%d bloggers like this: