google.com, pub-9712496482420627, DIRECT, f08c47fec0942fa0
महाराष्ट्र

हसन मुश्रीफांच्या घरी ईडीकडून छापेमारी

राष्ट्रवादी काँग्रेसचे नेते आणि माजी मंत्री हसन मुश्रीफ यांच्या घरी आज पहाटे सक्तवसुली संचालनालयाने अर्थात ईडीने छापेमारी केली आहे. पुणे आणि कागल येथील घरांवर ईडीने छापा टाकला आहे. छापेमारीचं वृत्त समोर येताच हसन मुश्रीफ यांच्या समर्थकांनी त्यांच्या घरासमोर गर्दी केली असून ईडीविरोधात घोषणाबाजी सुरू केली आहे. साखर कारखान्यात आर्थिक घोटाळा केल्याप्रकरणी ईडीकडून ही कारवाई केली जात आहे.

ईडीच्या छापेमारीनंतर राष्ट्रवादी काँग्रेसचे प्रवक्ते महेश तपासे यांनी प्रतिक्रिया दिली. हसन मुश्रीफ यांच्यावर झालेले आरोप राजकीयरित्या प्रेरित असल्याचं तपासे यांनी म्हटलं आहे. त्यांनी एक व्हिडीओ जारी करत ही प्रतिक्रिया दिली आहे.

छापेमारी प्रकरणावर भाष्य करताना राष्ट्रवादी काँग्रेसचे प्रवक्ते महेश तपासे म्हणाले की, “हसन मुश्रीफ यांच्यावर भाजपाच्या काही नेत्यांनी खोटे आरोप केले. त्यानंतर त्यांच्यावर ईडीकडून कारवाई झाली. वास्तविक साखर कारखान्यात घोटाळा झाला, असा आरोप भाजपाकडून करण्यात येत आहे. पण त्यामध्ये काहीही तथ्य नाही. सर्व आरोप हे राजकीयरित्या प्रेरित आहेत. हसन मुश्रीफ यांच्यासारख्या चांगल्या नेत्याला अडचणीत आणण्याचा कट-कारस्थान भारतीय जनता पार्टी करत आहे. ज्या पद्धतीने अनिल देशमुख आणि संजय राऊतांवर खोटे आरोप झाले, त्याप्रकारचे आरोप हसन मुश्रीफ यांच्यावरही करण्यात येत आहेत. परंतु, न्यायदेवतेकडून ‘दूध का दूध और पाणी का पाणी’ होईल अशी आमची धारणा आहे,” असं तपासे म्हणाले.

 

Show More

Related Articles

Leave a Reply

Your email address will not be published. Required fields are marked *

Back to top button
Don`t copy text!