एकात्मक पदयात्रेची शंबर दीस पूर्ती
कोची:
हळदीपूर शांताश्रम मठाधीपती श्री श्री वामनाश्रम स्वामीजीची विजयदशमी दिसा केरळ कालडी आदी शंकरा जल्म क्षेत्र हांगा सावन काशी मेरेन चलपी पदयात्रा शंबर दीस पूर्ती करून १२ तारिखेक महाराष्ट्र राज्यांत धुळे तालुक्यांत आर्वी हांगा पावली.
स्वामीजीची पदयात्रा १०० दीस पूर्ती केल्ले निमितान कोची जनार्दन देवस्थान, पळ्ळुरुती वेंकिटाचलपती देवस्थान, एळमक्करा दत्तात्रेय देवस्थान, पच्चाळ भगवती देवस्थान, वडुतला गणपती देवस्थान हांगां विशेश पुजा आनी पालखी पुजा बी जाली. पुजा कार्यीक्रमांत सबार भाविकांनी वांटो घेवन स्वामीजीच्या पदयात्रेच्या शुभ कार्या खातीर प्रार्थना पावली.
वामनाश्रम महा स्वामी आयज पुराय वैश्य समाजाचे नश्ट जाल्ले भूतकाळाचो वैभव पुनस्थापन करपाचे यत्नांत आसा. ते खातीर पुण्यभूमि काशी हांगा वर्सां पयली विदेशी अक्रमणांत मोडिल्ले मूळ मठ पुनस्थापनेची संकल्पना वास्तवीक करपाचें एक व्हडलें पद्दत हातांत घेतला.
विजयदशमी दिसा कालडी आदि शंकरा जल्मक्षेत्र हांगा सावन शुभारंभ जाली पदयात्रा केरळ, कर्नाटक, गोंय राज्यांत प्रयाणाचे उपरांत आतां महाराष्ट्र राज्यांत चालू आसा. आनी मध्य प्रदेशांतल्यान चलून १०० दिसांनी अक्षय तृतीया दिसा 23 एप्रिल 2023 उत्तर प्रदेशांतल्या काशी हांगा पावन पूर्ण जातली.
स्वामीजीची पदयात्रा जे जे प्रदेशांत पावतना थंय व्हड आंगड्यांनी भावीक वांटेकार जाताय. यात्रा काशींत पावतना पुराय राज्यांत सावन सबार भावीक थंय पावपाची तयारेक आसाय अशीं पदयात्रा समितीचे जाळवणदारांनी सांगला.
