‘असा’ आहे ॲक्सिस बँकेचा वार्षिक निकाल…

भारतातील खासगी क्षेत्रातील सर्वात मोठ्या बँकांपैकी एक असलेल्या अ‍ॅक्सिस बँकेने आज त्यांचे चौथ्या तिमाहीचे आर्थिक वर्ष 25 चे आणि वार्षिक निकाल जाहीर केले. त्यानुसार वार्षिक निव्वळ नफा 26,373 कोटी रुपये झाला असून गेल्या वर्षीच्या तुलनेत यात 6% वाढ झाली आहे. आर्थिक वर्ष 24 मध्ये निव्वळ नफा 24,861 कोटी रुपये एवढा होता. बँकेचे निव्वळ व्याज उत्पन्न (NII) वार्षिक 6% ने वाढून 13,811 कोटी रुपये झाले आहे. आर्थिक वर्ष 25 च्या चौथ्या तिमाहीसाठी निव्वळ व्याज मार्जिन (NIM) 3.97% होते आणि ते गेल्या तिमाहीच्या तुलनेत 4 bps ने वाढले.

गेल्या तिमाहीच्या तुलनेत CASA ने 10% वाढ नोंदवली, तर CASA रेशो 38% QAB आधारावर होता. बँक अहवालानुसार, 31 मार्च 2025 रोजी एकूण NPA आणि निव्वळ NPA अनुक्रमे 1.28% आणि 0.33% होता, जो 31 मार्च 2024 रोजी अनुक्रमे 1.43% आणि 0.31% होता. बँकेचे शुल्क उत्पन्न आर्थिक वर्ष 25 मध्ये वार्षिक 12% आणि 16% वाढून 6,338 रुपये झाले. तर किरकोळ शुल्क वार्षिक 14% आणि 22% वाढले; आणि बँकेच्या एकूण शुल्क उत्पन्नाच्या 75% वाटा याचा होता. बँकेचे एकूण भांडवली पर्याप्तता गुणोत्तर (CAR) 17.07% होते, CET 1 गुणोत्तर 14.67% होते. बँकेच्या देशांतर्गत उपकंपन्यांनी आर्थिक वर्ष 25 मध्ये स्थिर कामगिरी केली असून, निव्वळ नफा (PAT) 1,768 कोटी रुपये झाला, जो वार्षिक 11% ने वाढला आहे. बँकेने या तिमाहीत 170 शाखा वाढवल्या. ज्यामुळे बँकेच्या आता देशभरात 5,876 शाखा आणि विस्तार काउंटर झाले आहेत. तसेच 31  मार्च 2025 पर्यंत 3,194 केंद्रांवर 234 बिझनेस करस्पॉन्डंट बँकिंग आउटलेट्स (बीसीबीओ) सुरू करण्यात आली.

या तिमाहीत बँकेने अनेक उद्योग-प्रथम उपक्रम राबवले. अ‍ॅक्सिस बँक ही पहिली भारतीय बँक आहे, जी गिफ्ट सिटी आयएफएससी येथील आंतरराष्ट्रीय बँकिंग युनिट (आयबीयू) द्वारे एअरक्राफ्ट फायनान्शिअल व्यवहार राबवत होती, ज्यामुळे एअर इंडियाने 34 प्रशिक्षण विमानांच्या खरेदीसाठी अमेरिकन डॉलर्स कर्जाची सुविधा दिली. काइनेक्सिस डिजिटल पेमेंट्स वापरून व्यावसायिक क्लायंटसाठी रिअल-टाइम, 24/7 प्रोग्राम करण्यायोग्य अमेरिकन डॉलर्स क्लिअरिंग क्षमता सुरू करणारी ही भारतातील पहिली वित्तीय संस्था बनली. वर्षभरात सुरू झालेल्या या उपक्रमांसह, अ‍ॅक्सिस बँकेच्या आंतरराष्ट्रीय बँकिंग युनिटला गिफ्ट सिटीबाहेर कार्यरत पसंतीच्या बँकेचे स्थान देण्यात आले.

अ‍ॅक्सिस बँकेचे एमडी आणि सीईओ अमिताभ चौधरी म्हणाले, “आर्थिक वर्ष 25च्या बहुतेक काळात अनिश्चित मॅक्रो आणि कमी तरलता वातावरणाचे वर्चस्व लक्षात घेता बँकेने वाढीपेक्षा नफ्याला प्राधान्य दिले. त्याचवेळी फ्रँचायझी अधिक शाश्वत बनवण्यासाठी अर्थपूर्ण गुंतवणूक करणे सुरू ठेवले. ऑपरेटिंग वातावरण सुधारत आहे, त्यामुळे आर्थिक वर्ष 26 मध्ये प्रवेश करत असताना वाढ आणि नफा दोन्हीला चालना मिळण्यास मदत होईल, असा आम्हाला विश्वास आहे.”