‘सिनेमा, कलेसाठी सरकारचे सातत्याने योगदान!’

पणजी: गोव्यात सिनेमा आणि सादरीकरण कलेसाठी सरकारचे सातत्यपूर्ण योगदान आहे, असे विधान गोव्याचे मुख्यमंत्री डॉक्टर प्रमोद सावंत यांनी गोवा राज्य चित्रपट महोत्सवाच्या उद्‍घाटन प्रसंगी केले.

शाळेत शिकवले जाणारे सादरीकरण कलासंबंधी विषय, नाट्य महाविद्यालय, गोव्यात होणारे वेगवेगळे चित्रपट महोत्सव, त्या अनुषंगाने होणाऱ्या कार्यशाळा यातून गोव्यातील चित्रपट कलाकारांसाठी पोषक असलेली वातावरण निर्मिती होते, असे ते पुढे म्हणाले. गेली अनेक वर्षे रखडून असलेल्या चित्रपट महोत्सवाचे उद्घाटन १०वा ११वा आणि १२वा अशा तीन चित्रपट महोत्सवाचे एकत्रित करून पणजी येथील आयनॉक्स सिनेमागृहात मुख्यमंत्र्यांच्या हस्ते झाले.