अंगावर शहारे आणणारा Sam Bahadur चा ट्रेलर पाहिलात का?
Sam bahadur trailer : बॉलिवूड इंडस्ट्रीतील लोकप्रिय अभिनेता विक्की कौशलच्या ‘सॅम बहादूर’ या चित्रपटाची चाहते आतुरतेने वाट पाहत आहेत. या चित्रपटाचा टीझर प्रदर्शित झाल्यापासून लोकं हा चित्रपट पाहण्यासाठी आतुर झाले आहेत. ‘साम बहादूर’ चित्रपटाच्या टीझरमध्ये विकी कौशलचा अभिनय पाहून लोक खूप प्रभावित झाले आहेत.
आता या चित्रपटाचा ट्रेलर रिलीज झाला आहे. निर्मात्यांनी मंगळवार, 7 नोव्हेंबर रोजी विकी कौशलच्या आगामी ‘सॅम बहादूर’ चित्रपटाचा ट्रेलर रिलीज केला आहे. विकी कौशलने पुन्हा एकदा आपल्या अभिनयाने लोकांचं लक्ष वेधून घेतलं आहे. या चित्रपटाचा ट्रेलर रिलीज झाल्यानंतर चाहत्यांकडून या व्हिडीओवर कमेंट्सचा वर्षाव होत आहे.
विकी कौशलचा बहुप्रतिक्षित ‘सॅम बहादूर’ चित्रपटाचा ट्रेलर रिलीज झाला आहे. चित्रपटाच्या 2.43 मिनिटांच्या ट्रेलरमध्ये फील्ड मार्शल सॅम माणेकशॉ यांची 40 वर्षांची लष्करी कारकीर्द अतिशय चांगल्या पद्धतीने दाखवण्यात आली आहे. विकी कौशलनेही फिल्ड मार्शल सॅम माणेकशॉच्या भूमिकेला न्याय दिला आहे.
