ज्येष्ठ कोंकणी अनुवादक स्नेहलता भाटीकार यांचे निधन

पणजी : ज्येष्ठ कोंकणी लेखिका आणि अनुवादक, साहित्य अकादमी पुरस्कारप्राप्त स्नेहलता भाटीकार यांचे वयाच्या ८५व्या वर्षी निधन झाले. अल्पशा आजारानंतर त्यांची प्राणज्योत मालवली. त्यांच्या निधनामुळे कोंकणी साहित्यविश्वात हळहळ व्यक्त होत आहे.

कोंकणी साहित्याच्या क्षेत्रात अनुवाद आणि साहित्यिक योगदानासाठी भाटीकार यांची विशेष ओळख होती. विविध साहित्यकृतींचे कोंकणीत अनुवाद करून त्यांनी कोंकणी वाचकांना अन्य भाषांतील साहित्याशी जोडण्याचे महत्त्वाचे काम केले. त्यांच्या कार्यामुळे कोंकणी साहित्याचा आवाका वाढण्यास मदत झाली.

भाटीकार यांच्या निधनाने कोंकणी साहित्यविश्वाची मोठी हानी झाल्याची भावना साहित्यिक आणि वाचकांकडून व्यक्त होत आहे. भाषा आणि साहित्याच्या संवर्धनासाठी त्यांनी दिलेले योगदान दीर्घकाळ स्मरणात राहील.