![](https://rashtramat.com/wp-content/uploads/2022/12/IMG-20221228-WA0019-780x470.jpg)
साहित्य अकादमीचे वतीन घडयलें कोंकणी भक्ति साहित्याचेर परिसंवाद
साहित्य अकादमी आनी कोंकणी भाशा मंडळ, मडगांव हांच्या जोडपालवान कोंकणी भाशा मंडळ हांगा कोंकणी भक्ति साहित्याचेर परिसंवाद घडयलें.
साहित्य अकादमी मुंबय प्रभारी अधिकारी डाॅ.ओम प्रकाश नागर हांणी उक्तावणाचें उलोवप केल्ले. कोंकणी भाशा मंडळ अध्यक्ष अन्वेषा सिंगबाळ हांणे सुरवेचें उलोवप केल्ले. नामनेचे लेखक आनी संघटक कमलाकार म्हाळशी हांणी कार्यावळीचें उक्तावण केल्ले. नामनेचे कोंकणी समिक्षक सुशांत नायक हांणे बिज भाषण केल्ले. साहित्य अकादमी कोंकणी सल्लागार मंडळाचें संयोजक डाॅ.भुषण भावे उक्तावण सुवाळ्यांत अध्यक्ष आशिल्ले.
उपरांत जाले चर्चा सत्रांत योगिता वेर्णेकार (हिंदु धर्मांतलें भक्तिसाहित्य), फा.जूजे शिलवेरा (क्रिस्तांव धर्मांतलें भक्तिसाहित्य), सबीना मुल्ला (इस्लाम धर्मांतलें भक्तिसाहित्य), प्रो.गुणाजी देशाय (शिख बुध्द पारसी आनी जैन धर्मांतलें भक्तिसाहित्य) हांणीं प्रपत्रां सादर केल्ली. नामनेचे कवी आर.एस.भास्कर चर्चा सत्राचें अध्यक्ष आशिल्ले.
ओम प्रकाश नागर हांणी येवकार दिल्लो जाल्यार अन्वेषा सिंगबाळ हांणें उपकाराचो उतरां उलेयलीं. कार्यावळीक सबार लोक हाजीर रावलें.