काँग्रेसचा ’जैत रथातून’ प्रचार सुरू, न्याय गॅरंटीची देणार माहिती
काँग्रेसने गुरुवारी ‘जैत रथ’ही प्रचार करणारी वाहने आणि मिस्ड कॉल मोहीम ‘हाथ देगा साथ, बदलेंगे हालात’ सुरू केली.
गोवा प्रदेश काँग्रेस समितीचे अध्यक्ष अमित पाटकर, विरोधी पक्षनेते युरी आलेमाव, आमदार ॲल्टन डिकोस्ता, उत्तर गोव्याचे उमेदवार ॲड. रमाकांत खलप, मिडिया अध्यक्ष अमरनाथ पणजीकर आदी नेते उपस्थित होते.
अमित पाटकर म्हणाले की ज्या लोकांना काँग्रेसला पाठिंबा द्यायचा आहे ते 9821821898 या नंबरवर मिस कॉल देऊ शकतात आणि तद्नंतर पक्षाचे सदस्य लोकांशी संपर्क साधणार. “आमच्या दोन्ही उमेदवारांना निवडून देण्याचा निर्णय जनतेने घेतला आहे. ॲड. रमाकांत खलप आणि कॅप्टन विरियाटो फर्नांडिस या दोन्ही उमेदवारांना लोकां कडून चांगला प्रतिसाद मिळत आहे,” असे पाटकर म्हणाले.
ते म्हणाले की, काँग्रेस पक्षाने जाहीर केलेल्या ‘न्याय गॅरंटी’बद्दल लोकांना जागरूक करण्यासाठी प्रचाराची वाहने सर्व विधानसभा मतदारसंघात फिरतील.
ते म्हणाले की, गोव्यात बेरोजगारी आणि महागाई यांसारख्या समस्यांनी ग्रासले आहे आणि त्यामुळे बदल घडवून आणण्याची गरज आहे.
“पंतप्रधान नरेंद्र मोदी यांनी 2014 मध्ये खाणकाम पुन्हा सुरू करण्याचे आश्वासन दिले होते. पण डबल इंजिन खाणकाम पुन्हा सुरू करण्यात आणि नोकऱ्या निर्माण करण्यात अपयशी ठरले आहेत,” असे पाटकर म्हणाले.
युरी आलेमाव म्हणाले की, पक्षाला राज्यभरातून चांगला प्रतिसाद मिळाला आहे. “डबल इंजिन सरकार लोकांच्या बचत खात्यांमध्ये 15 लाख रुपये जमा करण्यात अपयशी ठरले आहे. ते सर्व पैलूंमध्ये अपयशी ठरले आहेत आणि लोकांना त्याबद्दल माहिती झाली आहे, ”असे आलेमाव म्हणाले.
ते म्हणाले की गोवा आणि येथील पर्यावरण वाचवण्यासाठी इंडिया आघाडी पक्ष एकत्र आले आहेत. “आमचे दोन्ही उमेदवार लोकसभेत स्थानिक समस्या मांडतील आणि लोकांना ‘न्याय’ देतील,” असे ते म्हणाले.
काँग्रेस पक्षाने सुरू केलेल्या न्याय गॅरंटी बद्दल लोकांना माहिती देण्यासाठी ही प्रचार वाहने राज्यभर फिरतील, असे पणजीकर म्हणाले.
