Adipurush: ‘आदिपुरुष’मधील हनुमानाचा डायलॉग ऐकून भडकले नेटकरी
Adipurush: गेल्या काही दिवसांपासून आदिपुरुष (Adipurush) या चित्रपटाची चर्चा सोशल मीडियावर होत आहे. आदिपुरुष चित्रपटाच्या टीमनं या चित्रपटाचं जोरदार प्रमोशन केलं. आता आज (16 जून) हा चित्रपट प्रेक्षकांच्या भेटीस आला आहे. अनेक लोक या चित्रपटाचा रिव्ह्यू सोशल मीडियावर शेअर करत आहेत. काही नेटकरी सोशल मीडियावर या चित्रपटाचं कौतुक करत आहेत, तर काही जण या चित्रपटाला ट्रोल करत आहेत.
आदिपुरुष (Adipurush) या चित्रपटात अभिनेता देवदत्त नागेनं (Devdatta Nage) हनुमानाची भूमिका साकारली आहे. सध्या आदिपुरुष या चित्रपटातील एक व्हिडीओ सोशल मीडियावर व्हायरल झाला आहे. या व्हिडीओमध्ये आदिपुरुष चित्रपटातील हनुमानाचा एक डायलॉग ऐकू येत आहे.
या डायलॉगला अनेक नेटकऱ्यांनी ट्रोल केलं आहे. एका नेटकऱ्यानं सोशल मीडियावर ट्वीट शेअर केलं, ‘हा चित्रपट सेन्सॉर बोर्डानं कसा काय पास केला, या चित्रपटात काम करणाऱ्या लोकांनी रामायणाचा विनोद कसा होऊ दिला? इथे काय चालले आहे.’
आदिपुरुष या चित्रपटात प्रभासनं प्रभू श्री रामाची भूमिका साकारली आहे. या चित्रपटामधील प्रभासच्या लूकला अनेकांनी ट्रोल केलं आहे.
