‘छोरी २’ ‘या’ ओटीटीवर ११ एप्रिलपासून प्रदर्शित होणार
chhorii 2 : ओटीटी प्लॅटफॉर्म अमेझॉन प्राईम व्हिडिओने नुसरत भरुचा आणि सोहा अली खान यांच्या प्रमुख भूमिका असलेल्या ‘छोरी 2’ (chhorii 2) या बहुप्रतिक्षित हॉरर थ्रिलर चित्रपटाच्या प्रदर्शनाची तारीख जाहीर केली आहे. हा चित्रपट ११ एप्रिल २०२५ रोजी जगभरात प्रदर्शित होणार आहे. या बहुप्रतिक्षित सिक्वेलचे दिग्दर्शन विशाल फुरिया यांनी केले आहे. या चित्रपटात मुख्य भूमिकेव्यतिरिक्त, गश्मीर महाजनी, सौरभ गोयल, पल्लवी अजय, कुलदीप सरीन आणि हरदिका शर्मा यांच्याही महत्त्वाच्या भूमिका आहेत.
‘छोरी’च्या (chhorii 2) प्रचंड यशानंतर, या चित्रपटाने त्याच्या हाडं गोठवणाऱ्या कथेने आणि खोलवर रुजलेल्या लोककथांनी दर्शकांची मने जिंकली. आता सिक्वेल नैसर्गिक भय, भीती आणि सस्पेन्सच्या सीमा ओलांडून एका आईच्या अलौकिक शक्तींविरुद्धच्या लढाईची आणि सामाजिक दुष्कृत्यांची एक रोमांचक कथा सादर करण्याचे वचन देतो. प्राईम व्हिडिओ इंडियाच्या कंटेंट लायसन्सिंगच्या संचालकांनी चित्रपटाच्या पहिल्या भागाच्या यशावर विचार व्यक्त करताना सांगितले की, सिक्वेलचा उद्देश चित्रपटाच्या सर्जनशील दृष्टिकोनला आणखी एक पाऊल पुढे नेण्याचा आहे.
“‘छोरी’ (chhorii 2) चित्रपटाद्वारे, आम्ही दर्शकांना एक अशी कथा सादर केली जी खूपच मनोरंजक आणि भावनिकदृष्ट्या शक्तिशाली होती. या चित्रपटाने भयपटच्या रसिकांशी एक परिपूर्ण साधला, ज्यात भीतीला लोककथांमध्ये अशा प्रकारे मिसळले गेले की ते ताजे आणि अस्सल वाटले. ‘छोरी 2’ (chhorii 2)सह, आम्ही त्या सर्जनशील दृष्टिकोनला आणखी पुढे नेत आहोत, या प्रसिद्ध फ्रँचायझीचा सिक्वेल अधिक गडद, अधिक तीव्र आणि अनेक ट्विस्ट आणि टर्नने परिपूर्ण बनवत आहोत,” असे प्राईम व्हिडिओ इंडियाचे कंटेंट लायसन्सिंग संचालक मनीष मेघानी यांनी एका प्रेस नोटमध्ये सांगितले.
