गोदरेज अप्लायन्सेसला विक्रीपश्चात सेवेमध्ये पहिले रेटिंग
गोदरेज अप्लायन्सेस, या गोदरेज अँड बॉइसच्या बिझनेस युनिटला घरगुती उपकरण क्षेत्रातील एका सर्वेक्षणात सहभागी झालेल्यांनी ‘विक्रीपश्चात सेवा’ विभागात पहिल्या क्रमांकाचे रेटिंग दिले आहे. गोदरेज अप्लायन्सेसने सुरू केलेल्या आणि नेलसनआयक्यूद्वारे १२ शहरांत घेण्यात आलेल्या कस्टम स्टडीमध्ये हे रेटिंग देण्यात आले आहे.
या कस्टम स्टडीमध्ये ग्राहकोपयोगी वस्तू क्षेत्रातल्या ब्रँडतर्फे देण्यात येण्याऱ्या विक्रीपश्चात सेवेबाबत वाटणाऱ्या समाधानाचे विश्लेषण करण्यात आले. गोदरेज अप्लायन्सेसने विक्रीपश्चात सेवेमध्ये सर्वोच्च नेट प्रमोटर स्कोअर, सर्वोच्च रिलेशनशीप स्ट्रेंथ इंडेक्स आणि सर्वाधिक एकंदर समाधान मिळवले आहे. यात सहभागी झालेले सध्या विविध उपकरणे (फ्रीज, वॉशिंग मशिन, मायक्रोवेव ओव्हन, एयर कंडिशनर्स) वापरत असून त्यांनी विक्रीपश्चात सेवेचा लाभ घेतला आहे.
या कामगिरीविषयी गोदरेज अँड बॉयसचा भाग असलेल्या गोदरेज अप्लायन्सेसचे व्यवसाय प्रमुख आणि कार्यकारी उपाध्यक्ष कमल नंदी म्हणाले, ‘गोदरेजमध्ये आम्ही ग्राहक समाधानाला सर्वोच्च पसंती देतो. आमच्या उत्पादनांच्या दर्जाची कठोर चाचणी घेतली जाते आणि आम्ही ग्राहकांना सर्वोत्तम उपकरणे व विक्रीपश्चात सेवा देण्यासाठी बांधील आहोत. ‘पहिल्या क्रमांकाची विक्री पश्चात सेवा’ हे रेटिंग सलग तिसऱ्यांदा आम्हाला मिळाले असून ते ग्राहक समाधान आणि आनंदाचे प्रतीक आहे. आम्ही विक्री पश्चात सेवेत लक्षणीय गुंतवणूक केली असून आमच्या सर्व्हिस एक्सपर्ट्सना सखोल प्रशिक्षण देण्यावर कंपनीचा भर असतो. सेवा बळकट करण्यासाठी आम्ही ऑटोमेशनवरही मोठ्या प्रमाणावर लक्ष केंद्रित करतो.’
