वेर्णा औद्योगिक वसाहतीत एनडीआर इन्व्हिटचे नवे गोदाम
NDR InvIT या नॅशनल स्टॉक एक्सचेंजवर सूचीबद्ध असलेल्या शाश्वत गोदाम आणि औद्योगिक पार्क कंपनीने दक्षिण गोव्यातील Verna Industrial Estate येथे 1 लाख चौरस फूट क्षेत्रफळाच्या नव्या गोदाम सुविधेचे उद्घाटन केल्याची घोषणा केली आहे. या प्रकल्पामुळे गोव्यातील कंपनीच्या एकूण पोर्टफोलिओचा विस्तार 1.3 दशलक्ष चौरस फुटांपर्यंत झाला असून, राज्यातील सर्वात मोठ्या औद्योगिक विकासकांपैकी एक म्हणून कंपनीची ओळख अधिक मजबूत झाली आहे.
कंपनीकडून देण्यात आलेल्या माहितीनुसार, ही सुविधा पूर्णपणे कार्यरत असून ती एका अग्रगण्य उत्पादन कंपनीला भाडेतत्त्वावर देण्यात आली आहे. त्यामुळे गोव्यात उच्च दर्जाच्या आणि नियमानुकूल गोदाम सुविधांना वाढती मागणी असल्याचे स्पष्ट होत आहे.
वेर्णा औद्योगिक वसाहतीतील मोक्याच्या ठिकाणी उभारण्यात आलेली ही सुविधा प्रमुख महामार्ग, बंदरे आणि औद्योगिक समूहांशी उत्तम प्रकारे जोडलेली आहे. उत्पादन आणि औद्योगिक क्षेत्रातील कंपन्यांच्या गरजा लक्षात घेऊन या प्रकल्पाची उभारणी करण्यात आली असून, गोव्यासारख्या उदयोन्मुख औद्योगिक बाजारपेठांमध्ये ‘ग्रेड ए’ वेअरहाऊसिंग सुविधांची मागणी वाढत असल्याचे या प्रकल्पातून अधोरेखित होत आहे.
या उद्घाटनप्रसंगी एनडीआर इन्व्हिट मॅनेजर्स प्रायव्हेट लिमिटेडचे संचालक अमृतेश रेड्डी यांनी सांगितले की, गोवा हे औद्योगिक आणि उत्पादन क्षेत्रासाठी वेगाने विकसित होणारे केंद्र ठरत आहे. वेर्णा येथील ही सुविधा जागतिक मानकांनुसार विकसित करण्यात आली असून, आधुनिक उत्पादन उद्योगांच्या गरजा पूर्ण करण्यासाठी ती सक्षम आहे. तसेच, भारताच्या वाढत्या उत्पादनाधारित अर्थव्यवस्थेला पूरक ठरेल अशी उच्च दर्जाची पायाभूत सुविधा उभारण्याच्या कंपनीच्या उद्दिष्टालाही या प्रकल्पामुळे बळ मिळणार असल्याचे त्यांनी नमूद केले.
‘ग्रेड ए’ दर्जाच्या या सुविधेमध्ये आधुनिक वेअरहाऊसिंग मानकांनुसार कार्यक्षम रचना, विस्ताराची लवचिकता आणि मोठ्या प्रमाणावरील उत्पादन कार्यांसाठी आवश्यक पायाभूत सुविधा उपलब्ध करून देण्यात आल्या आहेत.
