अखेर अक्षय कुमारला मिळाले भारतीय नागरिकत्व…

दरम्यान अक्षय कुमारकडे याआधी कॅनडाचं नागरिकत्व होते. अक्षयच्या कॅनेडियन नागरिकत्वावरुन त्याला कॅनडा कुमार असंही म्हटलं जायचं. त्यावेळी अक्षयने कॅनेडियन नागरिकत्व का स्वीकारले, याबद्दल स्पष्टीकरण दिले होते.

“अनेक वर्षांपूर्वी माझे चित्रपट चांगले चालत नव्हते. माझे जवळपास १४-१५ चित्रपट बॉक्स ऑफिसवर आपटले. त्यावेळी मला असे वाटलं की मी कुठेतरी दुसरीकडे काम करायला हवे. यानंतर मी माझ्या कॅनडामध्ये राहणाऱ्या मित्राला फोन केला. त्यावेळी त्याने मला कॅनडामध्ये स्थायिक हो असा सल्ला दिला. हल्ली बरेच लोक कामाच्या निमित्ताने कॅनडामध्ये येत आहेत आणि त्यातील बहुतांश भारतीय आहेत. त्यानंतर मला असं वाटलं की माझे नशीब मला साथ देत नाही. त्यासाठी मला काही तरी करणं गरजेचे आहे. मी तिथे कॅनडामध्ये गेलो. नागरिकत्वासाठी अर्ज केला आणि ते मिळाले.” असे अक्षयने त्यावेळी सांगितले होते. पण आता मात्र अक्षयला भारतीय नागरिकत्व प्राप्त झाले आहे.