जिल्हा परिषद पोटनिवडणुकीत भाजप सुसाट
दवर्लीत भाजपचे परेश नाईक, रेईश मागूशमध्‍ये संदीप बांदोडकर, तर कुठ्ठाळीत अपक्ष उमेदवार मर्सियाना वाझ निवडून आल्‍या आहेत. दक्षिण गोव्यातील दवर्ली आणि कुठ्ठाळी तर उत्तर गोव्यातील रेईश मागूश या रिक्त जागांसाठी रविवारी मतदान झाले होते. 50 टक्‍क्‍यांपेक्षा कमी झालेल्या या मतदानाची आज मतमोजणी करण्यात आली.
दवर्ली मतदारसंघाची मतमोजणी मडगावातील माथानी साल्‍ढाणा प्रशासकीय संकुलात, कुठ्ठाळी मतदारसंघाची मतमोजणी बायणा-वास्‍को रवींद्र भवनात तर रेईश मागूश मतदारसंघाची मतमोजणी पेडे-म्‍हापसा येथील इनडोअर मैदानावर सकाळी 8 वाजल्‍यापासून सुरू झाली होती.
जिल्हा पंचायतीच्या तिन्ही जागा जिंकल्याबद्दल पंतप्रधान नरेंद्र मोदी आणि राष्ट्रीय अध्यक्ष जे. पी. नड्डा यांनी ट्विट करत गोवा भाजप आणि कार्यकर्त्यांचे अभिनंदन केले आहे. गोव्यात मिळालेले यश हे विकासकामांची पावती असल्याचे त्यांनी म्हटले आहे.
जिल्हा पंचायतीच्या तिन्ही जागा जिंकल्याबद्दल पंतप्रधान नरेंद्र मोदी आणि राष्ट्रीय अध्यक्ष जे. पी. नड्डा यांनी ट्विट करत गोवा भाजप आणि कार्यकर्त्यांचे अभिनंदन केले आहे. गोव्यात मिळालेले यश हे विकासकामांची पावती असल्याचे त्यांनी म्हटले आहे.
राज्यातील जनतेचे आभार मानले पाहिजेत. कारण गोव्यात केंद्र आणि राज्य सरकारकडून केल्या जाणाऱ्या विकासाच्या राजकारणाचे जनतेने समर्थन केले आहे. त्या आधारेच आमचे सर्व उमेदवार निवडून आले आहेत. भाजप पुढील काळातही जनतेच्या सेवेसाठी तत्पर असेल.
– डॉ. प्रमोद सावंत, मुख्यमंत्री.
