प्रदेश युवा काँग्रेसच्या अध्यक्षपदी अर्चित नाईक विक्रमी मतांनी विजयी 

पणजी :
गोवा प्रदेश युवक काँग्रेसच्या निवडणुकीत माजी खासदार दिवंगत शांताराम नाईक यांचे सुपुत्र अर्चित शांताराम नाईक यांनी ४,७३३ पैकी ३,९३० मते मिळवून दणदणीत विजय नोंदवला आहे.

हा विजय गोवा प्रदेश युवक काँग्रेसच्या निवडणुकांच्या इतिहासातील आजवरचा सर्वाधिक मताधिक्याचा विजय ठरला असून, गोव्यातील युवकांनी अर्चित शांताराम नाईक यांच्यावर व्यक्त केलेल्या प्रचंड विश्वास व आत्मविश्वासाचे प्रतीक आहे.

हा उल्लेखनीय निकाल त्यांच्या नेतृत्वगुणांना, दूरदृष्टीला आणि तळागाळाशी असलेल्या मजबूत संपर्काला अधोरेखित करतो. तसेच राज्यभर काँग्रेस संघटना अधिक बळकट करण्यासाठी युवक कार्यकर्त्यांमध्ये नवचैतन्य आणि उत्साह निर्माण झाल्याचे स्पष्ट संकेत देतो.