google.com, pub-9712496482420627, DIRECT, f08c47fec0942fa0
गोवादेश/जग

कोंकणी दीस आनी सुशीला त्रिविक्रम भट्ट स्मरणार्थ पुरस्कार वितरण

कोची:


कोंकणी केन्द्र – गोश्रीपुर संस्था, कोंकणी भाषा प्रचार सभा आनी सुशीला त्रिविक्रम भट कुटुंबान मेळून आयतारा सांजवेळा २५.१२.२०२२ दिसा कोच्चीच्या चेरळाय आशिल्लें कोंकणी भाषा भवनांत “कोंकणी दीस” कार्यावळ घडोवन हाडली.

पयली, ४८वी “शुभकृत पौष मास कोंकणी कवि संगम” दनपारां ३.०० ते ४.३० परेन जाली. कोंकणी केन्द्र – गोश्रीपुर संस्थेचे आनी कोंकणी भाषा प्रचार सभेचे अध्यक्ष डॉ. के. अनंत भट कवी मेळाव्याचे अध्यक्ष आशिल्ले. कोंकणी केन्द्र – गोश्रीपुर संघटनेचे सरकारदर्शी श्री. एम. लक्ष्मण किळीकार हांणी येवकार दिलो. उपरांत (सर्वश्री/श्रीमती) आर. एस भास्कर, सुधीश एस. शेणै, एन. बालकृष्ण मल्ल्या, के.एन. रमेश भट, वी लक्ष्मण पै, गोविंद एस. नायक, सुरेश वी. शेणै, धन्या जी. मल्या, एन. सदानन्द कम्मत, जी. मोहन राव, विजय कुमार एन. पै. आर. रामानन्द प्रभु, के. अनंत भट, गोश्रीपुरम हरिकुमार, पी. कृष्णकुमार कामत हांणी आपल्यो कविता सादर केल्यो.



सांजवेळा ५.०० वरां थकून पयलो “श्रीमती सुशीला त्रिविक्रम भट्ट स्मरणार्थ पुरस्कार” वितरण सुवाळो जालो. कु. ऋषिका वि. प्रभून प्रार्थनेन सुवाळ्याची सुरवात केली. कोंकणी केन्द्र – गोश्रीपुर संघटनेचे सरकारदर्शी एम.लक्ष्मण किलीकार हांणी येवकार भाशण केलें.

कोंकणी लेखक आनी कोंकणी केंद्र – गोश्रीपूर संस्थेचे वांगडी श्री. एन. बालकृष्ण मल्ल्यान सुशीला त्रिविक्रम भट विशीं एक संस्मरण वांटून घेतलो.



कोंकणी केन्द्र – गोश्रीपुर संस्था आनी कोंकणी भाषा प्रचार सभा अध्यक्ष आनी ज्येष्ठ कवी डॉ. के. अनंत भट हांणी अध्यक्षपद सांबाळ्ळें. सुकृतींद्र प्राच्य संशोधन संस्था अध्यक्ष डॉ. वी. नित्यानन्द भट हांणी ह्या सुवाळ्याचें उक्तावण केलें. वरिष्ठ कवी आनी अखिल भारतीय कोंकणी साहित्य सम्मेलनाचे पूर्व अध्यक्ष श्री. आर.एस.भास्कर हाचो मुखेल सोयरे आशिल्ले.



ह्या सुवाळ्यांत पुरस्कार वांटून घेतले. कोंकणी साहित्य पुरस्कार श्री. आर.एस. भास्कर हांका, कोंकणी सेवा पुरस्कार कु. नम्रता पी. किणी हींका, कोंकणी कथा रचना पुरस्कार श्रीमती. वसंतकुमारी पी.एस हींकां आनी कोंकणी कविता पुरस्कार श्री. विजयकुमार एन. पै हांका दीवनु सन्मान केलो.


ते उपरांत, टी.डी.एल.पी शाळेची कोंकणी अध्यापिका श्रीमती. सरस्वती एस प्रभु हींगेले प्रशिक्षणार भुरग्यांनी कोंकणी कला कार्यावळी सादर केल्लीं.

कोंकणी भाशा प्रचार सभाचे उपाध्यक्ष श्री. पी. सुरेश पै हांणी आपले उपकार मानले.

कोंकणी पुस्तकांची प्रदर्शनी बी आसली.

Show More

Related Articles

Leave a Reply

Your email address will not be published. Required fields are marked *

Back to top button
Don`t copy text!