गणेशोत्सवात घर आणि कुटुंबाच्या सुरक्षिततेकडे लक्ष देण्याचे आवाहन
मुंबई : गणेशोत्सवाच्या पार्श्वभूमीवर घर, कुटुंब आणि आर्थिक सुरक्षिततेच्या दृष्टीने आवश्यक खबरदारी घेण्याचे आवाहन इंडसइंड जनरल इन्शुरन्सकडून करण्यात आले आहे. सणाच्या काळात प्रवासाचे वाढते प्रमाण, मौल्यवान वस्तूंची खरेदी आणि घरातील वाढती वर्दळ लक्षात घेता विमा संरक्षणाबाबत जागरूक राहण्याचे आवाहन कंपनीने केले आहे.
इंडसइंड जनरल इन्शुरन्सचे उपमुख्य कार्यकारी अधिकारी (डेप्युटी सीईओ) अनिश बेहल म्हणाले, “गणेशोत्सव हा श्रद्धा, कुटुंब आणि एकोप्याचा सण आहे. या काळात आपल्या प्रियजनांसोबतच घर, आर्थिक सुरक्षितता आणि भविष्यातील आकांक्षांचे संरक्षण करण्यासाठी व्यावहारिक पावले उचलणे महत्त्वाचे आहे. योग्य तयारीमुळे कुटुंबांना अनिश्चित परिस्थितींना अधिक आत्मविश्वासाने सामोरे जाता येते.”
कंपनीच्या माहितीनुसार, तिच्या होम इन्शुरन्स सोल्यूशनअंतर्गत पॉलिसीच्या अटी व शर्तींनुसार आग, घरफोडी, चोरी तसेच काही नैसर्गिक आपत्तींपासून घर आणि घरातील वस्तूंना संरक्षण मिळू शकते.
गणेशोत्सवाच्या काळात मोठ्या प्रमाणावर प्रवास केला जात असल्याने वैयक्तिक अपघात विम्याचाही विचार करता येऊ शकतो. कंपनीच्या Personal Accident 360Shield योजनेत अपघाती मृत्यू आणि अपंगत्वासाठी संरक्षणासह कुटुंबासाठी काही अतिरिक्त लाभ उपलब्ध असल्याचे कंपनीने म्हटले आहे. हे लाभ संबंधित पॉलिसीच्या अटी व शर्तींनुसार लागू होतात.
गणेशोत्सवाची सांगता अनंत चतुर्दशीने होत असली, तरी कुटुंब, घर आणि भविष्यासाठी आवश्यक आर्थिक नियोजनाचे महत्त्व कायम राहते. त्यामुळे सणासुदीच्या काळात उत्सवाबरोबरच वैयक्तिक आणि आर्थिक सुरक्षिततेचाही विचार करण्याची गरज आहे.
