भाजपने महाराष्ट्रातील ‘या’ खासदारांचा केला पत्ता कट

आगामी लोकसभा निवडणुकीच्या पार्श्वभूमीवर भाजपने महाराष्ट्रातील लोकसभा उमेदवारांची यादी जाहीर केली आहे. गेल्या अनेक दिवसांपासून महाराष्ट्रात भाजपचे उमेदवार कोण असणार, याची उत्सुकता राजकीय वर्तुळाला होती. अखेर भाजपने बुधवारी संध्याकाळी महाराष्ट्रातील एकूण 20 उमेदवारांची (BJP Candidate List) यादी जाहीर करण्यात आली.

या यादीमध्ये मोदी-शाह यांनी काही ठिकाणी धक्कातंत्राचा वापर केला आहे. तर काही ठिकाणी विद्यमान खासदारांनाच पुन्हा संधी देण्यात आली आहे. नागपूर लोकसभा मतदारसंघातून नितीन गडकरी तर चंद्रपुरमधून सुधीर मुनगंटीवार यांना लोकसभेच्या रिंगणातून उतरवण्यात आले आहे.

मात्र, मुंबईत अपेक्षेप्रमाणे भाजपने धक्कातंत्राचा वापर केला. मुंबईतील एकूण सहा लोकसभा मतदारसंघांपैकी दोन उमेदवारांची नावे भाजपकडून जाहीर करण्यात आली आहे. यामध्ये उत्तर मुंबई आणि ईशान्य मुंबई मतदारसंघाचा समावेश आहे. या दोन्ही मतदारसंघातून विद्यमान खासदारांची तिकीटं कापण्यात आली आहेत. उत्तर मुंबईत पियूष गोयल (Piyush Goyal) आणि ईशान्य मुंबईतून मिहिर कोटेचा (Mihir Kotecha) यांना लोकसभेची उमेदवारी देण्यात आली आहे.

भाजपची उमेदवारी :

१) चंद्रपूर- सुधीर मुनगंटीवार
२) रावेर – रक्षा खडसे
३) जालना- रावसाहेब दानवे
४) बीड पंकज मुंडे
५) पुणे- मुरलीधर मोहोळ
६) सांगली – संजयकाका पाटील
७) माढा- रणजीत निंबाळकर
८) धुळे – सुभाष भामरे
९) उत्तर मुंबई- पियुष गोयल
१०) उत्तर पूर्व- मिहीर कोटेचा
११) नांदेड- प्रतापराव चिखलीकर
१२) अहमदनगर- सुजय विखे पाटील
१३) लातूर- सुधाकर श्रृंगारे
१४) जळगाव- स्मिता वाघ
१५) दिंडोरी- भारत पवार
१६) भिवंडी- कपिल पाटील
१७) वर्धा – रामदास तडस
१८) नागपूर- नितीन गडकरी
१९) अकोला- अनुप धोत्रे
२०) नंदुरबार- डॉ. हिना गावित