फिलीप भांबळ सह तिघाविरोधात खंडणी प्रकरणी गुन्हा नोंद

सातारा (महेश पवार) :

 पाेलिस ठाण्यात केलेल्या तक्रार अर्जामुळे गुन्हा दाखल होऊन बदनामी होइल, अशी भीती घालून एका महिलेला तिघांनी प्रत्येकी ५० लाखांची खंडणी मागितली. या आरोपावरून सातारा शहर पोलिस ठाण्यात तिघांवर गुन्हा दाखल झाला आहे.

फिलीप जाॅन भांबळ, अमरजित संभाजी भोसले (रा. सातारा), गोरख जगन्नाथ मरळ (रा. पुणे) अशी गुन्हा दाखल झालेल्यांची नावे आहेत. याबाबत पोलिसांनी दिलेली माहिती अशी की, एका महिलेचा व वरील संशयितांचा हाॅटेल व्यवसायाच्या भाडेपट्यावरून पूर्वी वाद झाला होता. 

या अनुषंगाने संशयितांनी सातारा शहर पोलिस ठाण्यात तक्रारही दिली होती. परंतु काही दिवसांनंतर संशयितांनी पोलिस ठाण्यात तक्रार अर्ज दिला आहे, असे सांगून पीडित महिलेकडे प्रत्येकी ५० लाख मागण्यात आले. या प्रकाराचे महिलेने रेकाॅर्डिंग ठेवले केले आहे.