Dhananjay Munde : धनंजय मुंडे घरगुती हिंसाचाराच्या खटल्यात दोषी
मुंबई : मंत्री धनंजय मुंडे (Dhananjay Munde) घरगुती हिंसाचार प्रकरणात दोषी ठरले आहेत. करुणा शर्मा यांनी घरगुती हिंसाचार प्रकरणातील जी तक्रार केली होती. त्यातील आरोप मान्य करण्यात आले आहेत. वांद्रे फॅमिली कोर्टानं हा निर्णय दिला आहे. करुणा शर्मा यांनी केलेले आरोप मान्य केले आहेत. वांद्रे फॅमिली कोर्टाच्या निर्णयानंतर धनंजय मुंडे यांना करुणा शर्मा यांना दरमहा 2 लाख रुपये द्यावे लागणार आहेत.
सामाजिक कार्यकर्त्या अंजली दमानिया यांनी या प्रकरणी एक ट्विट केलं आहे. यामध्ये त्यांनी म्हटलंय, “करुणा मुंडे या फॅमिली कोर्टात ४ फेब्रुवारी रोजी केस जिंकल्या त्याबद्दल एक स्त्री म्हणून त्यांचे अभिनंदन. मी वैयक्तिक विषयावर बोलत नाही आणि ही वैयक्तिक टीका नाही ह्याची नोंद घ्यावी करुणा, ह्या धनजय मुंडे यांच्या पहिल्या पत्नी आहेत, त्यांना मारहाण झाली आहे आणि देखभाल खर्च देण्यात यावा आणि कुठल्याही प्रकारची दुखापत करण्यात येऊ नये असे निर्देश आणि १,२५,००० रुपयाचा मासिक खर्च देण्यात यावा असे निर्देश कोर्टाने दिले आहेत.”
करुणा शर्मा यांनी वांद्रे फॅमिली कोर्टाच्या निर्णयानंतर संवाद साधला. कोर्टातून मला न्याय मिळाला, न्यायालय आणि न्यायाधीशांचे आभार मानते. मुलं सोबत असल्यानं तिघांना प्रत्येकी 5 लाख मिळतील अशी मागणी होती. मला दोन लाख मिळाले आहेत. माझ्या मागणीसाठी मी हायकोर्टात जाणार असल्याचं करुणा शर्मा म्हणाल्या.
महिलांना खूप त्रास आहे. गेली तीन वर्ष पोटगीसाठी लढत आहे, किती त्रास झाला हे सांगू शकत नाही, असं करुणा शर्मा म्हणाल्या. मंत्र्यासोबत माझी लढाई होती. माझ्या वकिलानं एक रुपयान घेता हा खटला कोर्टात दाखल केला. आज आमचा विजय झाला आहे. हा सत्याचा विजय आहे, असं करुणा शर्मा म्हणाल्या. माझ्या सोबत साधा वकील होता जो सत्याच्या सोबत होता, असं करुणा शर्मा म्हणाल्या.
1996 पासून नवऱ्यासोबत आहे, जशी जीवनशैली आहे त्याप्रमाणं पोटगी मिळावी अशी अपेक्षा होती ती मिळावी यासाठी कोर्टात जाणार असल्याचं करुणा शर्मा म्हणाल्या.
