KBM: कोंकणी भाशा मंडळाने साधला सरकारी शिक्षकांसोबत ‘सृजन संवाद’
KBM : कोंकणी भाशा मंडळ, गोवा यांनी राजभाषा संचालनालय, गोवा सरकार आणि एस.सी. इ. आर. टी. यांच्या सहकार्याने सरकारी प्राथमिक व माध्यमिक शिक्षकांना मार्गदर्शन करण्यासाठी 11-12 डिसेंबर रोजी दोन दिवसीय कार्यशाळेचे आयोजन केले होते.
दक्षिण गोवा आणि उत्तर गोव्यात दोन ठिकाणी झालेल्या या कार्यशाळेत मुलांना कथा, कविता, नाटक, चित्रकला आणि ॲनिमेशन या माध्यमातून चांगले कसे शिकवायचे याचा समावेश करण्यात आला. सेंट झेवियर्स कॉलेजच्या संयुक्त विद्यमाने उत्तर गोव्यातील कार्यशाळा पार पडली. दोन्ही कार्यशाळांना एकूण 210 शिक्षक उपस्थित होते.
कार्यशाळे दरम्यान विविध सर्जनशील कलांच्या सहाय्याने शिक्षण कसे समृद्ध करायचे याचे विविध मान्यवरांनी शिक्षकांना प्रशिक्षण दिले. नयना आडारकर, चेतन आचार्य आणि पलाश अग्नी यांनी बालसाहित्य विशयी मार्गदर्शन केले. डॉ. तन्वी कामत बांबोळकर आणि प्राजक्ता कवळेकर यांनी नाटकातून, रत्नमाला दिवकर यांनी कविता आणि संगीतातून आणि सिद्धेश गावणेकर यांनी ॲनिमेशन आणि कलेच्या माध्यमातून कसे शिक्षण समृद्ध करावे या विशयांत शिक्षकांना मोलाचे मार्गदर्शन केले.
दक्षिण गोव्यातील कार्यशाळेचे उद्घाटन प्रमुख पाहुणे रोझरी कॉलेजचे प्रशासक फादर गॅब्रिएल कुतिन्हो यांच्या हस्ते झाले. सेंट झेवियर्स कॉलेजच्या प्राचार्य प्रो. डॉ. ब्लांच मास्कारेन्हास यांच्या हस्ते उत्तर गोव्यातील कार्यशाळेचे उद्घाटन झाले. मान्यवरांनी मंडळाच्या उपक्रमाचे कौतुक करत राष्ट्रीय शैक्षणिक धोरणाच्या संदर्भात अशा कार्यशाळांची गरज व्यक्त केली.
यंदा शिक्षकांसाठी अशाच प्रकारच्या कार्यशाळा आयोजित करण्यास उत्सुक असलेल्या कोकणी भाषा मंडळाने (KBM) जुलैमध्ये सरकारी अनुदानित प्राथमिक शाळांच्या शिक्षकांसाठी अशीच दोन दिवसीय कार्यशाळा (KBM) आयोजित केली होती. सर्जनशील संवादाद्वारे संपूर्ण गोव्यातील शिक्षकांपर्यंत पोहोचण्याचे मंडळाचे उद्दिष्ट आहे. या कार्यशाळा नियमितपणे होत राहतील. शिक्षकांना वेळोवेळी अतिरिक्त मार्गदर्शन आणि सर्जनशील संसाधने उपलब्ध व्हावीत असे मंडळाला वाटते आणि त्यामुळे मंडळाला या कार्यशाळा नियमितपणे आयोजित करायला आवडेल.
