ग्रेड सेपरेटरमुळे साताऱ्यात महाविद्यालयीन तरुणाईचे जीव धोक्यात ?

शहरातील पोवई नाका म्हणजे आठ रस्ते एका ठिकाणी मिळणारे ठिकाण या ठिकाणी वाढत चाललेल्या ट्राफिक जामच्या समस्येला पर्याय म्हणून कोट्यवधी खर्च करून केलेल्या ग्रेड सेपरेटरमुळे महाविद्यालयीन विद्यार्थी- विद्यार्थिनीसाठी बस स्थानक, तहसीलदार कार्यालयापासून  महाविद्यालया पर्यंत  जाण्या-येण्यासाठी रस्ताच नसल्याने या ग्रेड सेपरेटर मधून जिव धोक्यात घालून ये जा करावी लागते . यामुळे जिल्हा प्रशासन ग्रेड सेपरेटर मध्ये एखादा अपघात होण्याची वाट बघतेय का ? असा सवाल संतप्त पालक वर्गामधून उपस्थीत केला जात आहे.

खरंतर बस स्थानक ते तहसीलदार कार्यालयापर्यंत फुटपाथ असताना देखील झालेल्या अतिक्रमणामुळे चालत  रस्त्यावरून जाणाऱ्या सर्वांनाच जिव मुठीत धरून जावं लागतं . मात्र राजकीय उदासीनता सोडा तर राजाश्रय असल्याने लोकांचें जिव धोक्यात आल्याची चर्चा सुरू आहे

ग्रेड सेपरेटरच्या भिंतीवर बांडगुळे येऊ लागल्यामुळे  मागील वर्षी मोठ्या उत्साहात आणि दिमागदार सोहळ्याने उद्घाटन झालेल्या सातारच्या पोवई नाका परिसरातील ग्रेड सेपरेटरच्या भिंतीवर आता व्यवस्थापन समितीचे दुर्लक्ष झाल्यामुळे बांडगुळे तयार होऊ लागली आहेत. त्यामुळे ही छोटी झाडे, झुडुपे या संरक्षक भिंतींना अपायकारक ठरणार आहेत .त्यामुळे व्यवस्थापनाने याकडे दुर्लक्ष न करता तातडीने अशी वाढलेली छोटी झाडे झुडपे काढून टाकण्याची गरज आहे.