बिबट्याने केली पाळीव कुत्र्यांची शिकार

सातारा (महेश पवार) :

साताऱ्यातील पाटण तालुक्यातील गुंजाळी गावात एका बंगल्याच्या सुरक्षेसाठी मालकाने 5 कुत्रे पाळले आहेत. हा बंगला डोंगराळ भागात असल्याने चोरांपासून संरक्षणासाठी कुत्र्यांचा पर्याय ठेवण्यात आला आहे.

अशा अनेक बंगल्यांमध्ये परदेशी प्रजातीचे कुत्रे दिसतात. आता बिबट्याने या कुत्र्यांना आपले लक्ष्य बनवले आहे. बिबट्याने दोन दिवसापूर्वी एकाच बंगल्यातील 2 कुत्र्यांची शिकार केल्याने बंगल्याच्या मालकासह वनविभाग आणि ग्रामस्थही धास्तावले आहेत. या सोबतच आता दिवसाही बिबट्याचे दर्शन होत असल्याने शेतकऱ्यांसह पशुपालकही अडचणीत आले आहेत.