‘देश बलवान करण्यासाठी मला निवडून द्या’

सावईवेरे, भाजपाचे उत्तर गोव्याचे लोकसभा उमेदवार श्रीपाद नाईक यांनी आज संध्याकाळी वळवई गावातील श्री गजांतलक्ष्मी देवस्थानात भेट देत देवीचे आशीर्वाद घेतले व तेथील नागरिकांशी संवाद साधला.

ते म्हणाले, की पंतप्रधान नरेंद्र मोदी यांच्या नेतृत्वामुळेच देशाचे नाव आंतरराष्ट्रीय पातळीवर झळकत आहे.

तसेच ‘विकसित भारत २०४७’चे स्वप्न उराशी बाळगून मोदी आधुनिक तंत्रज्ञानाचा अवलंब करीत आहे व गरजू लोकांसाठी कार्य करीत आहेत. त्यांचे हात बळकट व देश बलवान करण्यासाठी मला सहाव्यांदा निवडून आणावे.