google.com, pub-9712496482420627, DIRECT, f08c47fec0942fa0
लेख

कोंकणी चळवळीतलें ल्हान पिरायेचें फुडारी…

कोंकणी चळवळीतलें ल्हान पिरायेची वावुरपी म्होण नम्रता किणी ह्या 24 पिरायेच्या चलयेक भौमान जाला. हालीच कोची जाल्ले श्रीमती सुशीला त्रिविक्रम भट स्मरणार्थ पुरस्कार दान सुवाळ्यांत नम्रताक कोंकणी सेवा पुरस्कार भेटेवंन आदर केलो.

24 वर्सा पिरायेचेर केरळ राज्य सरकारान स्थापिल्या कोंकणी साहित्य अकादमीचे मेंबर सेक्रटरी पदार पावपी सगटां पशीं ल्हान पिरायेची वनिता म्होण नम्रता किणी हांणी इंद्या बुक्क आफ रेकार्डस (India Books of Rwcords) हाजें वतीन स्थापीत केल्ले.

कायमकुळम मुत्तुवेयरवन घराण्यांत बी.प्रेमनंद कीणी आनी उजाला दांपत्याच्या धूव आसा नम्रता. फाटल्या 12 वर्सां जाली चली नम्रता कोंकणी भास आनी साहित्याचे माळार सक्रीय वावुरता. सबार कोंकणी कार्यावळींत हांगेले क्रियाशील सानिध्य जाला. केन्द्रीय साहित्य अकादमीन 2019 ह्या वर्सा नम्रताक किणीक ड्रावल ग्रांड दीवनु मान दिलो.

हो सुविधा धेवन ताणें गोंय भर भोंवडी केल्ली आनी कोंकणी भाशा मंडळ, गोंय विद्यापीठ आनी हेर संस्थेंत भेट दिल्ली. ज्येष्ठ लेखक उदय बाब बेंभ्रे, भाई मावजो आनी हेर साहित्यिकांकडेन आनी प्रकाश पर्येंकार, कृपाली नायक आनी हेर शिक्षणतज्ञां कडेन भेट घेतल्या.

‘वेरुकळ पूकुंपोळ’ (मलयाळम भाशेंत कथा), ‘हरिद्वाराचे नवति महोत्सव’ (कोंकणी प्रवास वर्णन) अशीं पुस्तकां उजवाडायल्याय. हरिद्वाराचे नवति महोत्सव ह्या पुस्तकाक 2017 वर्साचे कोंकणी साहित्य अकादमी केरळ संस्थेचे वतीन पुरस्कारूय फावो जाला.

नम्रता आतां आलापुष़ा संत जोसफ म्हाविद्यालयांत इंग्लीशींत पदव्युत्तर पदवी खातीर शिक्षण करता वांगडा मांगळूर संत अलोषियस म्हाविद्यालयांत कोंकणी पी.जी.डिप्लोमा शिक्षण बी धेता.

Show More

Related Articles

Leave a Reply

Your email address will not be published. Required fields are marked *

Back to top button
Don`t copy text!