google.com, pub-9712496482420627, DIRECT, f08c47fec0942fa0
सातारा

गिरीश बापट यांच्या निधनामुळे शिवेंद्रराजे साजरा करणार साधेपणाने वाढदिवस

सातारा (महेश पवार) :

सातारा- जावली मतदारसंघाचे आमदार श्रीमंत छ. शिवेंद्रसिंहराजे भोसले यांचा वाढदिवस गुरुवार दि. ३० रोजी असून भाजपचे जेष्ठ नेते माजी मंत्री, खासदार गिरीश बापट यांचे नुकतेच निधन झाल्याने वाढदिवसानिमित्त आयोजित सर्व कार्यक्रम रद्द करण्यात आल्याचे आ. शिवेंद्रसिंहराजे भोसले यांनी जाहीर केले आहे.

वाढदिवस एकदम साधेपणाने साजरा केला जाणार असून कोणीही पुष्पगुच्छ अथवा अन्य भेटवस्तू देऊ नये, केक कापणे, फटाके वाजवू नये अथवा इतर अन्य कार्यक्रम घेऊ नये, असे आवाहन आ. शिवेंद्रसिंहराजे यांनी केले आहे. तसेच आ. शिवेंद्रसिंहराजेंनी दिवंगत बापट साहेब यांना श्रद्धांजली वाहिली आहे.

दि. ३० मार्च रोजी आ. शिवेंद्रसिंहराजे यांचा वाढदिवस साजरा केला जातो आणि त्यानिमित्त गेल्या दोन- तीन दिवसांपासून सातारा- जावली मतदारसंघात विविध कार्यक्रम चालू होते. दरम्यान, भाजपचे जेष्ठ नेते आणि माजी मंत्री, विद्यमान खासदार गिरीश बापट यांचे निधन झाल्याचे वृत्त नुकतेच आले. हे वृत्त समजताच आ. शिवेंद्रसिंहराजेंनी वाढदिवसानिमित्त आयोजित सर्व कार्यक्रम रद्द करीत असल्याचे प्रसिद्धीपत्रकाद्वारे जाहीर केले आहे.

गुरुवारी वाढदिवसानिमित्त केवळ एहसास मतिमंद मुलांची शाळा, रिमांड होम येथे भेट दिली जाणार आहे. कोणीही पुष्पगुच्छ अथवा अन्य भेटवस्तू देऊ नये, केक कापू नये, फटाके वाजवू नये अथवा इतर कोणतेही कार्यक्रम आयोजित करू नयेत, असे आवाहन आ. शिवेंद्रसिंहराजे यांनी कार्यकर्ते, हितचिंतक आणि जनतेला केले आहे. वाढदिवस अगदी साधेपणाने साजरा केला जाणार असून जनता, कार्यकर्ते, हितचिंतक यांनी केवळ शुभेच्छा द्याव्यात, याव्यतिरिक्त कोणताही कार्यक्रम घेऊ नये, असे प्रसिद्धीपत्रकात नमूद करण्यात आले आहे.

Show More

Related Articles

Leave a Reply

Your email address will not be published. Required fields are marked *

Back to top button
Don`t copy text!